Sito Istituzionale del Comune di Laconi - Veduta del Paese
Sa bidda 'e Laconi
Sa bisita in sa bidda nostra oferit fainas de disvagu e de irrichidura culturale. Logu seberadu gaia in s’antigòriu pro s’àghera sana e sa bellesa sua, tenet unu parcu galanu, su Parcu Aymerich, chi dae su coro de su centru istòricu indùrriat sa bidda pro unos 22 ètaros de padente, àndalas e ispentumas. In intro, camineras discansosas e mitzas de abba frisca acumpangiant is bisitadores in s’iscoberta de ungrones ispantosos intre matas seculares, isciuscios medievales e essèntzias arbòreas raras.

Caminende intre is gùturinos de su tzentru istòricu podes fàghere bisita a su santuàriu de Santu Innàtziu de Làconi, para cuestuante ùmile intre is prus venerados de s’ìsula chi inoghe fiat nàschidu e pàschidu. Acanta a su Santuàriu ddue at su palatzu Aymerich, istrutura elegante de s’otighentos fata dae su architetu Gaetanu Cima, dae su 1846 a su duamìgia abitòriu de is marchesos de Làconi. In intro paperis pro sa pinna frantzesos dèchidos chi ondrant is aposentos de su pianu nòbile chi aiant ospitadu is reales, esploradores e personalidades de primore de s’otighentos.

Immoe su Palatzu, restauradu dae pagu, acollit a su Museu de is Pedras Fitas, in ue si podent castiare 40 istatuas isteles chi rapresentant sa prima tenta de retratare a isse matessi chi s’òmine preistòricu aiat fatu. Pratos tìpicos e durches natzionales acumpangiados dae vinos locales bonos a beru, sunt una impellida in prus pro bisitare custa bidda medievale antiga, a sa cale dae pagu dd’ant intregadu sa Bandera Aranciu, marchu nodidu de calidade de su Touring Club italianu. ...bae a sa pagina